काठमाडाैँ – नेपाली सेनाका पूर्व उपरथी डाक्टर रमीन्द्र क्षेत्रीको जीवनीपरक पुस्तक ‘जीवन सुन्दर छ’ लोकार्पण गरिएकाे छ। चालिस वर्ष देशका लागि सेना भई लडेका क्षेत्रीले व्यक्तिगत जीवनका लागि पनि लडिरहेका छन्। क्षेत्रीले आफूमाथि भएको आक्रमणलाई पनि पुस्तक लोकार्पणका क्रममा स्मरण गरे, ‘ममाथि भएको आक्रमण कुनै आतंकवादीले गरेको आक्रमणभन्दा कम छैन।’
१० वर्षे सशस्त्र द्वन्द्वका क्रममा ०६० साल भदौ ११ गते उनीमाथि तत्कालीन विद्रोही माओवादीका लडाकुले आक्रमण गरेका थिए। सो घटनामा गोली लाग्दा स्पाइनल कर्ड इन्जुरी भएपछि उनी आजीवन ह्वीलचियरको सहायतामा छन्।
उक्त पुस्तक शुक्रबार प्रधानसेनापति महारथी प्रभुराम शर्मा, पत्रकार टीकाराम यात्री, सम्पादक रामचन्द्र फुयाँल र लेखक क्षेत्रीले लोकार्पण गरेका थिए। क्षेत्री जीवनमा हार नखाने मान्छे भएको दा गर्दै प्रधान सेनापति शर्माले भने, ‘यो किताबले सहनशील हुन सिकाउँछ। सबै पुस्ताका पाठकलाई मन छुन सक्ने जीवनी हो।’
रामचन्द्र फुयाँलले सम्पादन गरेको पुस्तकलाई यात्रा पब्लिकेशनले सार्वजनिक गरेको हो।
भर्खरै
लोकप्रिय
