काठमाडौं- सफल व्यक्तिका प्रेरणादायी कथा भन्न नेपालमा ‘जोस टक’ सञ्चालन हुने भएको छ।
भदौ २३ हुने जोस टकले उद्यमशिलता, पब्लिक पोलिसी, खेलकुद, मनोरञ्जन तथा सामाजिक सेवा क्षेत्रका वक्ताहरुलाई बोलाएर आफ्ना प्रेरणादायी कुराहरु भन्न लगाउनेछ।
यसका साथै नेपाली समूदायलाई विश्वमा चिनाउन अहम भूमिकाको निर्वाह गर्नेछ। जोस टक नेपाल ‘जोस टक अन्तर्राष्ट्रिय’सँग आवद्ध भएसँगै नेपाली युवाहरुलाई प्रेरणादायी काममा लाग्न थप प्रोत्साहन मिल्ने बताइएको छ।
सोबित बांगा र सुप्रिया पउलले सन् २०१५ मा अन्तर्राष्ट्रिय युवाहरुमा मानविय सम्भावनाको उजागर गर्ने उद्देश्यका साथ व्यक्तिहरुको प्रेरणादायी कथाहरु शेयर गर्ने प्ल्याटफर्मको रुपमा जोस टकको स्थापना गरेका हुन्। हालसम्म प्रेरणादायी कथाहरुले ३ करोड ५० लाख भन्दा बढी व्यक्तिहरुलाई प्रभावित पारिसकेको छ।
भदौ २३ गते शनिवारका दिन बसुन्धरा स्थित साउथ वेस्टर्न कलेजमा उक्त कार्यक्रमको आयोजना हुँदैछ।
भर्खरै
लोकप्रिय
