काठमाडाैँ- पर्यटकीय नगर जिरीको सौन्दर्यलाई अझ बढी उजागर गर्नका लागि शुक्रबारबाट काठमाडाैँमा क्यानभासमा जिरी चित्रकला प्रदर्शनी सुरु भएकाे छ।
काठमाडाैँकाे नयाँ बानेश्वरमा रहेकाे उमोजा क्याफे, एन.बि सेन्टरमा भएकाे प्रदर्शनी तीन दिनसम्म सञ्चालन हुनेछ। प्रदर्शनीमा जम्मा ३६ थान कलाकृति प्रदर्शनीमा राखिएका छन्।
प्रदर्शनीमा ६ जना कलाकारहरु केशवराज खनाल, किशोर रानाभाट, लिलाधर केसी, मोहन शिवाकोटी, प्रकाश मिजार र शिव शिर्पाली सहभागी छन्।
कलाकारले एक्रेलिक र जलरङ वाटर कलरको प्रयोग गरि चित्र सृजना गरेका छन्। कार्यशाला र प्रदर्शनीमा कलाकारहरुको संयोजन केशवराज खनालले गरेका हुन्।
टुरिजम प्रमोसन फोरम नेपालका अध्यक्ष लिलाराम खड्का भन्छन् , ‘कुनै बेला सगरमाथाको प्रवेशद्वारका रुपमा परिचित जिरी यतिबेला पर्यटक कुरेर बसेको छ। आफ्नो प्राकृतिक र भौगोलिक सौन्दर्य देखाउन आतुर छ। जिरीको सांस्कृतिक विविधता र जिरेल सहितको मिश्रित जनजीवनले स्वदेशी र विदेशी पाहुनालाई स्वागत गर्न आतुर छ। यहाँका ताल तलैया, झरना, मठ मन्दिर, गुम्बा, प्राकृतिक उद्यानहरू, हिमाली भूभागका हिँउ, याक आदिले तपाईंलाई पर्खिरहेका छन्। अमूल्य जडिबुटीहरुले लहराउँदै बोलाईरहेका छन् । जिरीको वास्तुकला र मौलिक संस्कृतिहरुले आमजनलाई खुला आह्वान गरिरहेका छन्। यसै कारण जिरीको सांस्कृतिक र भौगोलिक विविधतासँग तपाइँहरुलाई परिचित गराउने उद्देश्य सहित यो प्रदर्शनीको आयोजना गरिएको हो।’
सबै तस्बिरहरु: वर्षा शाह/देश सञ्चार
भर्खरै
लोकप्रिय
