काठमाडौं- विश्वकप लिग-२ मा नेपालको क्यानडा भ्रमण निकै खराब बनेको छ। क्यानडामा तीन खेल खेलिसकेको नेपालले सबै खेल हारेपछि अब अंक तालिकाको पुछारमा धकेलिने जोखिम बनेको छ। अब नेपालले ओमानसँग अन्तिम एकदिवसीय खेल बाँकी रहँदा नेपालको ब्याटिङ निरासाजनक रह्यो।
लगातार खराब ब्याटिङले पिरोलिएको नेपाल आइतबार राति भएको खेलमा पनि बलरहरुको ब्याटिङले केही समानजनक स्कोर बनाउन सकेको थियो। तर प्रतिस्पर्धात्मक स्कोर तयार गर्न नसक्दा क्यानडाले सहज रुपमा पाँच विकेटकको जित निकाल्यो।
क्यानडा नेपालसँगको महत्त्वपूर्ण ४ अंकपछि ११ खेलबाट १४ अंकका साथ तालिकाको शीर्ष स्थानमा पुगेको छ। यद्यपि, तुलनात्मक रुपमा सहज मानिएको यो सिरिजमै नेपालले लय गुमाएपछि बाँकी दिन झनै कठिन छ। यसपछि अमेरिकी सिरिज खेल्ने तयारीमा रहेको नेपालले त्यहाँ स्कटल्यान्ड र अमेरिका समिलित सिरिजमा प्रतिस्पर्धा गर्नेछ।
तर अब क्यानडा सिरिजको अन्तिम खेल बाँकी रहँदा अर्को खराब लयमा रहेको ओमानसँग २ अंक नलिने हो भने नेपाल अंकतालिकाको पुछारतर्फ धकेलिने छ। नेपाल र युएइको समान २ अंक रहँदा युएइले ५ मात्र खेल खेलेको छ। नेपालले भने ७ खेल खेलेको छ। यी दुई टोली पुछारमा रहेका छन्।
आइतबार टस जितेर पहिले ब्याटिङ गरेको नेपाल ४६.१ ओभरमा अलआउट हुँदै १ सय ८१ रनमा समेटियो। नेपालका लाग सन्दीप लामिछानले ४९ रन बनाउनु सर्वाधिक रह्यो। उनी बाहेक अन्यको प्रदर्शन दयनीय रह्यो। उनी बाहेक गुल्सन झाले ३४ रन बनाउँदा करण केसीले २४ रन बनाए। त्यस्तै सोमपाल कामीले २१ रन बनाए। तर अघिल्लो क्रमले निरास मात्र बनायो।
३६ रन जोड्दा नेपालले आफ्ना आधा टोली गुमाएको थियो। अर्जुन साउद, आसिफ शेख, भीम सार्की, रोहित पौडेल, आरिफ शखे र अनिल शाहा कसैलेपनि क्रिजमा गतिलोसँग आफूलाई संकटमा उभ्याउन सकेनन्। नेपालको इनिङलाई ध्वस्त बनाउन कलिम सानाले ३ विकेट लिँदा डिलोन ह्यालीघर, हर्ष थकरले २-२ विकेट लिए। त्यस्तै, प्रभिन कुमार र साद विन जफरले १-१ विकेट लिएका थिए।
जवाफमा क्यानडाले नेपालले दिएको १ सय ८२ रनको लक्ष्य ४२ ओभरमा ५ विकेट गुमाएर पूरा गर्यो। तर राम्रो सुरुवात गरेको उसले कुनैपनि बेला दबाब महसुस गर्नु परेन। नभनित धलीवाला र प्रगत सिंहले दोस्रो विकेटका लागि १ सय २२ रनको साझेदारी गर्दै टिमलाई जितको नजिक पुर्याएका थिए। धलीवाल ८७ रनमा आउट हुँदा प्रगत ६४ रनमा पेभिलियन फर्किएका थिए।
नेपालका लागि सन्दीपले २ विकेट लिँदा करण केसी, ललित राजवंशी र गुल्सन झाले समान १-१ विकेट लिए।
भर्खरै
लोकप्रिय
