सिमकोट – हिमाली जिल्ला हुम्लाको सदरमुकाम सिमकोटमा नेपाल टेलिकमको एफटिटी फाइवर नेट जडान कार्य जारी छ।
जिल्लामा यो सेवा सुरु भएको दुई महिना भए पनि नेपाल टेलिकमबाट यसका लागि नयाँ राउटर आउन ढिलाइ भएकाले कारण जडान कार्य जारी राख्नुपरेको हो।
नयाँ र पुराना गरी २६७ ग्राहकले नेपाल टेलिकमको एफटिटी फाइवर नेट जडान गरिसकेको टेलिकम हुम्ला शाखाकी प्रमुख रिजिआङ्मु लामाले बताइन।्
यसमा पुराना नयाँ ८६ र पुराना १८१ जनाल यो सेवा लिइसकेका छन्। पुराना १७६ जनालाई यो सेवा परिवर्तन गर्न बाँकी छ। उनले टेलिकमबाट आएको राउटर सकिएकाले एफटिटी फाइवर जडान कार्य हाल रोकिएको बताइन्।
नेपालगञ्ज विमानस्थलमा आइसकेका कारण अब बाँकी राउटर हवाईमार्गबाट ढुवानी भएर आउनेबित्तिक्कै जडान कार्यलाई निरन्तरता दिइनेछ। हाललाई जिल्लामा एक हजार २४ लाई उक्त सेवा प्रदान गर्न सकिनेछ। अब ७५७ लाइन बिस्तार गर्न सकिनेछ। दैनिक एफटिटी फाइवर नेट जडान गर्ने ग्राहक कार्यालयमा आउने गरे पनि राउटर सकिएका कारण फिर्ता गर्नुपरिरहेको छ।
पुराना ग्राहकले वार्षिक शुल्क आठ हजार एकमुष्ट तिर्नुपर्ने, राउटर निःशुल्क पाउने, तार पनि सय मिटरसम्म निःशुल्क दिने र त्यसपछि ग्राहक आफँैले नयाँ खरिद गर्नु पर्नेछ। नयाँ ग्राहकले राउटर पाँच सय रुपैयाँमा खरिद गर्नुपर्ने, शुल्क र तारको हकमा भने पुराना ग्राहकको जस्तै सेवा प्रदान गरिएको छ।
भर्खरै
लोकप्रिय
