पेट्रोलियम मूल्यबृद्धि फिर्ता नहुने निगमको प्रस्टोक्ति

रिपोर्टर्स क्लब नेपालले शुक्रबार आयोजना गरेको साक्षात्कारमा निगमका प्रवक्ता दीपक बरालले निगम मासिक २६ करोड रुपैयाँ घाटामा गएको बताउँदै २०५६ सालदेखि आजसम्म निगमका कर्मचारीले बोनस भत्ता प्राप्त नगरेको स्पष्ट पारे। उनले सरकारले जनतालाई मार नपर्ने गरी मूल्य बढाएको र तत्काल मूल्यवृद्धि फिर्ता लिएर समस्या समाधान नहुने धारणा राखे।

उक्त अवसरमा ग्यास बिक्रेता महासंघका अध्यक्ष ज्ञानेश्वर अर्यालले उद्योगीका माग सम्बोधन गरिनुपर्नेमा जोड दिए। उपभोक्ता हित संरक्षण समितिका सचिव विष्णुप्रसाद तिमिल्सिनाले साधारण उपभोक्ता र व्यवसाय उपभोक्तालाई फरक फरक मूल्य निर्धारण गर्नुपर्ने सुझाव दिए। पुस १७ गते बसेको निगम सञ्चालक समितिको बैठकले पेट्रोल, डिजेल, मट्टीतेल, खाना पकाउने ग्यास र हवाई इन्धनको मूल्य बढाउने निर्णय गरेको थियो।

यो पनि हेर्नुहोस्:

मूल्यबृद्धिको बहानामा सत्ता छाड्न दबाब