सिमकोट- कर्णाली स्वास्थ्य विज्ञान प्रतिष्ठान जुम्लामा स्थापना भएर कर्णालीवासीको घर मै उपचार पुगेको प्रधानमन्त्री केपी शर्मा ओलीले बताएका छन् ।
प्रतिष्ठानको पहिलो दीक्षान्त समारोहको उद्घाटन कार्यक्रममा जुम्ला आइपुगेका प्रधानमन्त्री ओलीले सो कुरा बताएका हुन् ।
प्रतिष्ठान जुम्लामा स्थापना भएसँगै बिरामीको उपचारका साथै अध्ययन गर्ने अवसर सृजना भएको छ । कर्णाली भनेको सुर्खेत मात्र नभएर त्यहाँभन्दा माथिल्लो भूभाग रहेको बताउदै कर्णाली अब निक्कै अगाडि बढी सकेको प्रधानमन्त्री ओलीले बताए ।
प्रतिष्ठानबाट कर्णालीका दश जिल्ला मात्र नभएर सुदूरपश्चिमका तीन जिल्ला गरि तेह्र वटा जिल्लाका बासिन्दाहरूले सेवा पाउने वातावरण तयार भएको उनले बताए ।
अब कर्णाली वासीले देशका ठूला शहरका सुविधा सम्पन्न अस्पतालमा सेवा लिन जान नपर्ने वातावरण तयार भएको बताउँदै प्रतिष्ठानमा अध्ययनरत विद्यार्थीको इमानदारिताले गर्दा यो सफलता मिलेको प्रधानमन्त्री ओलीले बताए ।
यसअघि स्वास्थ्य मन्त्री प्रदीप पौडेल र प्रतिष्ठानका उपकुलपति डा. मंगल रावलले आफ्नो भनाई राखेका थिए । दीक्षान्त समारोहमा ५८ जना विद्यार्थी दीक्षित भएका थिए ।
उद्घाटन कार्यक्रम सम्पन्न भएपनि प्रम ओली बुधबारै काठमार्डौँ फिर्ता हुने कार्यक्रम रहेको छ ।
भर्खरै
लोकप्रिय
