काठमाडौँ – महिला बालबालिका तथा ज्येष्ठ नागरिक मन्त्रालय र राष्ट्रिय बालअधिकार परिषद्को आयोजनामा बालविवाहमुक्त नेपाल अभियान सुरु भएको छ।
मंगलबार ललितपुरको कुपन्डोलस्थित हिमालय होटलमा एक कार्यक्रम गरी अभियानको सुरुवात गरिएको हो।
अभियानको सुरुवात गर्दै महिला, बालबालिका तथा जेष्ठ नागरिक मन्त्री नवल किशोर साह सुडीले अभियानको सफलताका लागि तीनै तहका सरकारबीच समन्वय हुनुपर्ने बताए। कानुन बनाएर मात्र बालबिवाहको समस्या समाधान नहुने उनको भनाइ थियो।
‘कागजको खोस्टामा कानुन बनाएर मात्रै बालबिवाहको समस्या समाधान हुने छैन। जबसम्म संघ, प्रदेश र पालिकास्तरसम्म समन्वय हुँदैन तवसम्म हाम्रा यस्ता समस्याहरूको समाधान गर्न सकिँदैन,’ उनले भने, ‘म नेपालमा बालविवाह अन्त्यका लागि संघदेखि स्थानीय वडासम्मै समन्वय गरेर काम गर्न प्रतिबद्ध छु।’
सातै प्रदेशका समाजिक विकास मन्त्री तथा मन्त्रालयका सचिवहरूलगायत विभिन्न राष्ट्रिय अन्तर्राष्ट्रिय संघसंस्थाहरूको सहभागितामा अभियानको सुरुवात गरिएको हो।
अभियानमा जस्ट राइट फर चिल्ड्रेनका विश्व अभियान्ता, अन्तर्राष्ट्रिय कानुनका ज्ञाता भुवन ऋभू पनि सहभागी थिए। उनले कमैयामुक्ति गरेर एउटा ऐतिहासिक प्रथा अन्त्य गरेको नेपाल अब विश्वव्यापी बालबिवाहमुक्त अभियानको एक हिस्सा बन्नेमा आफू विश्वस्त रहेको बताए।
उनले नेपालबाट भारतमा बेचिएका र नेपालमै पनि प्रचलित संस्कारका नाममा अत्याचार सहेका बालबालिकाको अधिकारका लागि आफू पनि लडिरहेको बताए।
भर्खरै
लोकप्रिय
