म्याड्रिड– स्पेनिस ला लिगा फुटबलमा आइतबार राती साविक विजेता रियल म्याड्रिड र शिर्षस्थानको बार्सिलोना आआफ्ना खेलमा भिड्दैछन्।
बार्सिलोनाले घरेलु मैदानमा लेभान्तेको सामना गर्दै छ। अर्को खेलमा रियल, सेल्टा भिगोको मैदानमा उत्रदै छ। प्रतियोगितामा बार्सिलोनाले १७ खेलबाट ४५ अंक जोड्दै शिर्षस्थानमा छ।
१६ खेलबाट ३१ अंक भएको रियल म्याड्रिड चौथो स्थानमा छ। एट्लेटिको म्याड्रिडले १८ खेलबाट ३९ र भ्यालेन्सियाले १८ खेलबाट ३७ अंक जोडेको छ। स्पेनिस लिगमा बार्सिलोना मात्र यो सिजन अपराजित टोली हो।
घरेलु लिगमा यो सिजन बार्सिलोनाका लियोनल मेसीले १५ गोल, सेल्टा भिगोका लागो आसपासले ११ गोल र बार्सिलोनाकै लुइस स्वारेजले १५ गोल गर्दै सर्वाधिक गोलकर्ताको शिर्ष तीनभित्र छन्।
रियल म्याड्रिडका क्रिस्टियानो रोनाल्डो र आसेन्सियोले समान चार गोल गरेका छन्।
प्रतियोगिताको यो सिजन सर्वाधिक गोलकर्ताको शिर्ष २५ सुचीमा रियल म्याड्रिडका खेलाडी छैनन्।
यो पनि हेर्नुहोस्:
भर्खरै
लोकप्रिय
