बल टेम्परिङ्ग मामिलामा एक वर्षको प्रतिबन्ध लागेका अस्ट्रेलियाका ब्याट्सम्यान तथा निलम्बनमा परेको उप–कप्तान डेविड वार्नरले रुँदै माफी मागेका छन् ।
उनले अस्ट्रेलिया तथा विश्वभर रहेका क्रिकेट प्रेमीसँग माफी माग्नका लागि पत्रकार सम्मेलन गरेका हुन् । त्यसमा उनले बल टेम्परिङ्ग मामिलाको जिम्मेवारी आफूले लिने उल्लेख गरेका छन् ।
शनिबार भएको पत्रकार सम्मेलनमा भावुक रुपमा प्रस्तुत भएका वार्नरले आँसु थाम्न सकेनन् । उनले घटनामा अरु कोही पनि संलग्न रहे नरहेको बारे सोधिएको प्रश्नको उत्तर दिएननन् ।
क्रिकेट अस्ट्रेलियाले गरेको अनुसन्धानमा वार्नरले ब्याट्सम्यान क्यामरन बेनक्राफ्टलाई बलमा गडबडी कसरी गर्ने भन्ने सिकाएको खुलेको थियो । क्रिकेट अस्ट्रेलियाले स्टीभन स्मिथ र वार्नरमाथि एक वर्षको प्रतिबन्ध लागेको छ । बल टेम्परिङ्ग गरेका क्यामरन बेनक्राफ्टमाथि ९ महिनाको प्रतिबन्ध लागेको छ ।
पत्रकार सम्मेलनअघि श्रीमतीसँग वार्नर । तस्बिर : एपी
दक्षिण अफ्रिकासँगको तेस्रो टेस्टमा भएको बल टेम्परिङ्गको घटना बाहिर आएपछि यस बारे क्रिकेट अस्ट्रेलियाले अनुसन्धान सुरु गरेको थियो । तीनैजनालाई यसअघि नै अस्ट्रेलियाले दक्षिण अफ्रिका भ्रमणबाट फिर्ता बोलाएको थियो ।
२८ वर्षका स्मिथ र २५ वर्षका बेनक्राफ्टले कम्तिमा आउँदो दुई वर्षसम्म कुनै पनि टिमको कप्तानी गर्न नपाउने गरी निलम्बन गरिएको छ ।
बेनक्राफ्टले दक्षिण अफ्रिकासँगको तेस्रो टेस्टको क्रममा बलमा गडबडीका लागि स्याण्डपेपर प्रयोग गरेको पनि पुष्टि गरेको छ । तर गएको शनिबार स्मिथ र बेनक्राफ्टले पत्रकार सम्मेलनमा पहेँलो टेप रहेको भन्दै घटनालाई मोड्ने प्रयास गरेका थिए ।
क्रिकेट अस्ट्रेलियाले यसअघि नै घटनामा प्रशिक्षक डरेन लेहम्यानको संलग्नता नरहेको बताइ सकेको थियो । तर प्रशिक्षक लेहम्यानले चौथो टेस्ट सकिएपछि राजीनामा दिने बताइसकेका छन् ।
वार्नरले के भने ?
उनले बल टेम्परिङ्ग मामिलामा आफ्नो जिम्मेवारी लिँदै यसका लागि लज्जित रहेको बताए । उनले भनेका छन्, ‘यसले मलाई जिन्दगीभर पछुतोको खाडलमा धकेलेको छ । समर्थक, साथी खेलाडीदेखि सबैलाई निराश बनाएको माफी चाहन्छु ।’
Watch LIVE: David Warner speaks to the media in Sydney https://t.co/Psybip9QLZ
— cricket.com.au (@CricketAus) March 31, 2018
उनले आफ्ना सबै समर्थकसँग उनीहरुको विश्वास तोडेकोमा माफी मागेका छन् । तर उनले राष्ट्रिय टिमबाट अब नखेल्ने कुरा भने खारेज गरेका छन् ।
आफू जहिले पनि खेलमा रमाउन चाहने र त्यसमा थप चमक थप्न चाहने व्यक्ति रहेकाले प्रतिबन्ध सकिएपछि फेरि राष्ट्रिय टिममा फर्किनेमा आशावादी रहेको उनले बताए ।
उनले भने, ‘अहिलेको खराब समयबाट निस्किन चाहन्छु, फेरि खेल्न चाहन्छु । हो, पुरानो सम्मान फेरि फिर्ता गर्न लामो समय लाग्ने छ, तर त्यसका लागि प्रयास भने गर्नेछु ।’
तर यसको सम्भावना भने निकै कम रहेको उनले बताए ।
भर्खरै
लोकप्रिय
