बल टेम्परिङ्ग मामिलामा प्रतिबन्ध खेपेका तीन अस्ट्रेलियाली खेलाडीमाथिको प्रतिबन्ध अवधिका बारेमा क्रिकेट अस्ट्रेलियाले पुर्नविचार गर्नु पर्ने द प्लेयर्स युनियनले बताएको छ ।
क्रिकेट अस्ट्रेलिायले पूर्व कप्तान स्टीभन स्मिथ र उपकप्तान डेविड वार्नरमाथि एक वर्ष तथा बल टेम्परिङ्ग गरेका क्यामरन बेनक्राफ्टमाथि ९ महिनाको प्रतिबन्ध लगाएको छ ।
दक्षिण अफ्रिकासँगको तेस्रो टेस्टमा भएको बल टेम्परिङ्गको घटना बाहिर आएपछि यस बारे क्रिकेट अस्ट्रेलियाले अनुसन्धान सुरु गरेको थियो । तीनैजनाले गएको घटनामा आफ्नो भागको जिम्मेवारी स्वीकार गर्दै माफी पनि मागी सकेका छन् ।
प्लेयर्स युनियनले क्रिकेट अस्ट्रेलियाले खेलाडीमाथि लगाएको प्रतिबन्धको लामो तथा निष्पक्ष रहेको बताएको छ । तीनै खेलाडीले पत्रकार सम्मेलन गरेर माफी माग्नु र त्यहाँ उनीहरुको प्रस्तुती कुनै प्रतिबन्धबाट हुने पीडा भन्दा पनि भयानक रहेकाले उनीहरुमाथिको प्रतिबन्धको समय बढी भएको प्लेयर्स युनियनको भनाई छ ।
प्रतिबन्ध खेपेका खेलाडीले त्यस विरुद्ध उजुरी दिने तयारी गरेको अस्ट्रेलियन सञ्चारमाध्यमलाई उद्धृत गर्दै बिबिसीले जनाएको छ । यसमा वार्नर अघि रहेका छन् ।
अस्ट्रेलियन क्रिकेटर्स् एशोशिएशनका अध्यक्ष ग्रेग डियरले खेलाडीले आफूलाई निकै सुल्झिएको रुपमा प्रस्तुत गर्नु राम्रो रहेको बताए । उनले जसरी पनि जित्नु पर्ने अस्ट्रेलियाली नीति पनि परिवर्तन गुर्न पर्ने उनको भनाई छ ।
भर्खरै
लोकप्रिय
