सुदूरपश्चिमेली नेपाली समाज भारतको पहिलो अधिवेशन धनगढीमा

धनगढी – सुदूरपश्चिमेली नेपाली समाज भारतको पहिलो अधिवेशन धनगढीमा हुने भएको छ । एक वर्ष अगाडि स्थापना गरिएको समाजको पहिलो अधिवेशन वैशाख १२ गते धनगढीमा हुने समाजका अध्यक्ष दिपक मल्लले शनिबार अयोजित पत्रकार सम्मेलनमा जानकारी दिए ।

सुदूरपश्चिमका जिल्लाबाट रोजगारीका लागि भारतका विभिन्न स्थानमा गएका करिब २ सय सुदूरपश्चिमेली सहभागी हुने समाजको पहिलो अधिवेशनलाई प्रदेश ७ का मुख्यमन्त्री त्रिलोचन भट्टले उद्घाटन र सम्बोधन गर्ने कार्यक्रम तय भएको समाजका महासचिव मोहनवीर साउदले बताए ।

सुदूरपश्चिमेली नेपाली समाज भारत सुदूरपश्चिमबाट कामको सिलसिलामा भारतमा रहेका नेपालीले स्थापना गरेको संस्था हो ।