चीनमा ताई जातिको पानी छ्याप्ने पर्वमा यस्तो रमाइलो

चीन – समाज र जाति विशेष अनुसार कला, सँस्कृतिमा भिन्नता पाइन्छ । चाड, पर्व वा उत्सव मनाउने तरिका पनि फरक हुन्छ । अझ आदिवासी र अल्पसंख्यक समुदायको सँस्कृति त झन विशेष हुने गर्छ ।

चीनको अल्पसंख्यक जातिमा पर्छ ताई जाति । उनीहरुले चिनियाँ चन्द्रमासको पात्रो अनुसार नयाँ वर्ष मनाउँछन् । नयाँ वर्षको अवसरमा उनीहरुले पानी छ्यापेर मनाउँने पर्व छ ।

स्थानीय भाषामा यसलाई फो सोई चे भनिन्छ, अर्थात पानी छ्यापेर मनाउने पर्व । ताई जातिको बसोबास विशेष गरी थाइल्याण्ड, लाओस, भियतनाम, कम्बोडियामा रहेको छ ।

यस्तै भारत र चीनमा पनि यो समुदायको बसोबास छ । उनीहरु बौद्ध धर्म मान्छन् । उनीहरुको वास्तुकला तथा सँस्कृतिले पर्यटकलाई लोभ्याउने गर्छ ।