झण्डै ४०० ओरोही सगरमाथामा

काठमाडौँ – विश्वको सर्वोच्च शिखर सगरमाथा आरोहणको नवौँ दिन सोमबारसम्म ४०० को हाराहारीमा आरोही सगरमाथाको चुचुरामा पुगेका छन् ।

वसन्त ऋतुको सगरमाथा आरोहण सुरु भएयता ४०० को हाराहारीमा आरोही चुचुरोमा पुगेको आधार शिविरमा रहेका सम्पर्क अधिकृति ज्ञानेन्द्र श्रेष्ठले जानकारी दिए ।

उनका अनुसार अनुसार सोमबार मात्रै ४० भन्दा बढी आरोहीले सगरमाथाको सफल आरोहण गरेका छन् । आरोहीको विवरण संकलन भइरहेको छ । अनुकूल मौसमको प्रतीक्षामा रहेका थोरै संख्याका आरोही मात्र चुचुरामा पुग्न बाँकी छन् ।

उनीहरु सगरमाथाको शिविर ३ र ४ मा पुगेका छन् । गत वैशाख ३० गते आठ शेर्पा आरोहीबाट सगरमाथाको चुचुरासम्म डोरी टाँगेपछि यस वर्षको आरोहण सुरु भएको थियो ।