काठमाडौँ– रोजगार अनुमति प्रणाली इपिएस शाखाले नवौँ कोरियन भाषा परीक्षाको परीक्षा केन्द्र तोकेको छ । भाषा परीक्षा आगामि जेठ २६ र २७ गते हुँदैछ ।
इपिएस कोरिया शाखाले काठमाडौं, ललितपुर र पोखरामा २८ वटा केन्द्र तोकेको हो । पोखरामा चार वटा विद्यालय तथा काठमाडौं र ललितपुरका विभिन्न कलेजमा परीक्षा सञ्चालन हुँदैछ । दुई सिफ्टमा परीक्षा सञ्जालन हुनेछ ।
पहिलो सिफ्टमा १० बजे सुरु हुने परीक्षाका लागि ८ बजे र दोश्रो सिफ्ट २ बजे सुरु हुने भएपनि १२ बजे नै परीक्षार्थी हलमा प्रवेश गरिसक्नु पर्नेछ । परीक्षा सुरु हुनुपूर्व एक घण्टा परीक्षार्थीलाई अभिमूखिकरण दिइने इपिएस शाखाले जनाएको छ ।
परीक्षा सुरुहुनुभन्दा एक घण्टा पहिले नै परीक्षा हलमा प्रवेश नगर्दा विगतका वर्षमा धेरै परीक्षा दिनबाट बञ्चित भएको भन्दै समयमा परीक्षा हलमा पुग्न इपिएस शाखाले अनुरोध गरेको छ ।
कसको परीक्षा कहाँ ? तालिका हेर्नुस्
भर्खरै
लोकप्रिय
