काठमाडौँ– मंगलबार विश्व वातावरण दिवस विभिन्न कार्यक्रम गरी देशभर मनाइएको छ । दिवसको अवसरमा प्रधानमन्त्री केपी शर्मा ओलीले सिंहदरबारमा लिची र एभोगाडोको बिरुवा रोपेका छन् ।
भन्न त दिवसका अवसरमा एक नेपाली एक फलफूलको बिरुवा अभियान सुरु गरिएको भनिएको छ । तर राजधानिमै धेरै त्यस्ता ठाउँ छन्, जसले देशमा वातावरण संरक्षणमा कति ध्यानदिइरहेका छौं भन्ने प्रश्ट प्रतिनिधित्व गर्छ ।
वातावरण दिवसकै दिन बल्खूको फलफुल तथा तरकारी बजारमा पुग्दा त्यहाँ फोहोरले घेरेको थियो । यसले वातावरणमा मात्रै हैन, हामीले खाइरहेको तरकारी तथा खाना नै कति स्वच्छ छ भन्ने प्रश्ट अनुमान लगाउन सकिन्छ ।
प्रधानमन्त्रीले एउटा विरुवा रोपेर वातावरण दिवसको उत्साह मनाइरहँदा त्यहि सिंहदरबार पुग्ने फलफुल तथा तरकारी बजारको भने हालत खराव थियो । देश दिवसका फलफुल तथा तरकारी वितरण केन्द्रको सरसफाइमा कसैको ध्यान पुगेन । हुन त यस्ता कामका लागि आजैको दिन कुर्नु नपर्ने हो ।
तर दिवसकै दिन पनि सरोकारवाला निकायको ध्यान त्यहाँसम्म पुगेन, सिंहदरबार भित्रै केन्द्रित भयो । न त स्थानीय र यो ठाउँलाई उपभोग गरिरहेकाले नै सरसफाईमा ध्यान दिएका छन् । सफा खोज्ने तर फोहोर गर्ने स्थानीय पनि भन्छन्– ‘के गर्नु हजुर, चुनाव आउदाँ भोट माग्नको लागि अनेकथरी गरे । अहिले पटक पटक समस्या राख्दा पनि सुन्दैनन् ।’
स्थानीयले वर्षा लाग्नु पहिले नै वडाध्यक्षलाई समस्या देखाएका छन् । तर न वडाध्यक्षले ध्यान दिए, न त स्थानीयले नै अग्रसरता लिए । बल्खूको हालत उस्तै छ ।
भर्खरै
लोकप्रिय
