अ
+
अ
अ
-
काठमाडौँ – नेपालको बाटो हुँदै कलाश मानसरोबरको तीर्थ यात्रामा गएका करिब १६ सय भारतीय तीर्थयात्री अलपत्र परेका छन् । मौसम खराब भएका कारण उनीहरु अलपत्र परेको नेपालस्थित भारतीय दूतावासले जनाएको छ ।
लगातारको वर्षाका कारण बाटो बिग्रिएको तथा हवाई सेवा पनि प्रभावित भएकाले सिमिकोट, हिल्सा तथा तिब्बतमा गरी झण्डै १६ सय तीर्थयात्री अलपत्र परेको दूतावासले जनाएको छ ।
सिमिकोमा ५२५, हिल्सामा ५५० तथा तिब्बतमा पाँचसय भन्दा बढी तीर्थयात्री बिदामा बसेका हुन् । अलपत्र परेकाहरुका लागि खाद्यान्न र बस्ने व्यवस्थाका लागि आफ्ना प्रतिनिधिहरु त्यसतर्फ लागेको दूतावासले जारी गरेको विज्ञप्तिमा उल्लेख छ ।
अलपत्र परेका तीर्थयात्रीलाई सुर्खेत, जुम्ला, मुगु हुँदै वा सेनाको हेलिकोप्टरबाट उद्धार गर्ने प्रयास भइरहेको छ ।
भर्खरै
लोकप्रिय
