मानव सभ्यताको विकास क्रममा प्राचीन ग्रिकको स्थान सबैभन्दा अघि आउँछ । प्राचीन ग्रिकले मानव सभ्यतालाइ आकार दियो । त्यसको चर्चा अहिले पनि हुन्छ, मानवशास्त्र तथा समाजशास्त्रका अध्यताहरुका लागि ग्रिक सम्यता अध्ययनको केन्द्रमा रहन्छ ।
यहाँका देवी देवता र संस्कृति अहिले पनि ग्रिकको मात्रै नभएर समग्र विश्वको सम्पत्ति हुन् । यस्तै शुक्रबार राति प्राचीन ग्रिककी देवी हेरा र देवता एपोलोले ‘ब्लडमुन’ सँग खेले । शुक्रबार राति यो शताब्दीकै लामो खग्रास चन्द्र ग्रहण अर्थात ब्लड मुन देखियो ।
ब्लड मुन दुर्लभ खगोलीय घटना पक्कै हो । अनि क्यामरामा यो दुर्लभ अवसरलाई कैद गर्ने फोटोग्राफरका लागि सुन्दर मौका पनि । विश्वभर रहेका फोटोग्राफर तथा फोटो पत्रकारले आ–आफ्नो कला र सोच अनुसार ब्लड मुनलाई आफ्नो क्यामरामा कैद गरे ।
यसरी क्यामरामा ब्लड मुनलाई समेट्ने क्रममा एएफपी तथा गेट्टी इमेजका फोटो पत्रकार एरिस मेस्सिनिसले प्राचीन ग्रिककी देवी हेरा र भगवान एपोलोलाई पनि समावेश गरेका छन् ।
उनले ग्रिसको राजधानी एथेन्समा रहेको हेरा र एपोलोको प्रतिमालाई केन्द्रमा राखेर ब्लड मुनलाई बल जस्तै गरी तस्बिरमा प्रयोग गरेका छन् । एरिसले खिचेका तस्बिरमा ब्लड मुनसँग हेरा र एपोलोले खेलेको जस्तै देखिएको छ ।
यो पनि पढ्नुहोस्
भर्खरै
लोकप्रिय
