अमेरिकी अन्तरिक्ष निकाय, नासाको ‘मिसन टु टस द सन’ अथार्त सूर्यको नजिकै पुगेर अत्यसको अध्ययन गर्ने अभियान केही ढिला सुरु हुने भएको छ ।
नासाले आफ्नो इतिहासकै महत्वकांक्षी अभियान शनिबार सुरु गर्ने तय गरेको थियो । तर अन्तिम मिनेटमा गरिएको अनुसन्धानपछि अभियानयान २४ घण्टा ढिला गरी सुरु गर्ने तय भएको हो ।
नासाले सूर्यको बाहिरी वायुमण्डलसम्म पुग्ने गरी स्याटेलाइट पठाउँदैछ । नासाले पार्कर सोलार प्रोब नामको स्याटेलाइट पठाउन लागेको हो ।
पार्कर सूर्यको बाहिरी वायुमण्डल वा कोरोनासम्म पुग्नेछ । यो स्याटेलाइटले रहस्यको रुपमा रहेको सूर्यका केही विशेषता बारे जानकारी प्रदान गर्ने अपेक्षा गरिएको छ ।
तीव्र गतिमा निर्माण भएको पार्कर स्याटेलाइटले प्रतिघण्टा ४ लाख ३० हजार माइल दूरी तय गर्न सक्नेछ । अबको सात वर्षभित्र यो सूर्यको बाहिरी क्षेत्रमा पुग्नेछ । सूर्य पृथ्वीबाट ९३ मिलियन माइल पर रहेको छ ।
नासाले स्थानिय समय अनुसार आइतबार बिहान फ्लोरिडामा रहेको केप कानाभेलारबाट स्याटेलाइट पठाउने छ । पार्करले यो सबै दूरी पार गर्ने नभएर सूर्यको निकै नजिक पुग्ने हो ।
पार्करले १००० डिग्री सेल्सियस भन्दामाथिको तापक्रम सहन गर्न सक्छ । पार्करले सोलार विण्डका बारेमा विशेष अध्ययन गर्ने नासाले जनाएको छ ।
यो पनि पढ्नुहोस्
भर्खरै
लोकप्रिय
