काठमाडौँ– गएको वर्ष असार ४ मा पाँचौ ‘एनएफडिसी’ अवार्ड भएको थियो। चलचित्र छक्का पञ्जाले यसमा ‘बेस्ट फिल्म र बेस्ट निर्माता’ को अवार्ड पाएको थियो। तर अवार्ड समारोहको बिचमा चलचित्रका निर्माता एवं निर्देशक दीपकराज गिरी र दीपाश्री निरौलाद्वय बाहिरिएका थिए। उनीहरु यसरी समारोहको बिचबाट बाहिरिनुलाई धेरैले अवार्ड बहिष्कार गरेको रुपमा टिप्पणी गरेका थिए।
त्यसपछि कलाकार दीपकराज गिरीले फेसबुक स्टाटसमार्फत दर्शकलाई स्पष्टीकरण दिएका थिए।
उनले आफू अब कुनै पनि अवार्ड समारोहमा नजाने बरु त्यसको सट्टामा राम्रो चलचित्र बनाउने प्रतिक्रिया दिएका थिए, जसले खुबै चर्चा पायो।
कलाकार दीपकराज गिरीको नाम अगस्ट ३१ देखि सेप्टेम्बर २ सम्म हुने ‘नेम्पा पपुलर फिल्म अवार्ड – २०१८’ को सूचीमा छ। नेपाल चलचित्र संघले अमेरिकामा गर्न लागको यो अवार्डमा अमेरिकामा रहेका ४ हजार भन्दा धेरै नेपाली सहभागी हुने बताइएको छ।
अमेरिकामा हुन लागेको ‘नेम्पा पपुलर फिल्म अवार्ड – २०१८’ तीन दिने चलचित्र सम्मेलन पनि हो। यो सम्मेलनमा अमेरिकामा बस्ने नेपाली सहभागी हुनेछन्। अवार्ड कार्यक्रममा नजाने निर्णय गरेका दिपक पनि यो सम्मेलनमा सहभागी हुन अमेरिकामा जानेछन्।
के भन्छन् त दिपक?
‘म आफूले बोलेको कुरामा अडिग छुँ, मैले भनेको थिए, अबदेखि अवार्ड समारोहमा जानु भन्दा राम्रो चलचित्र बनाउने तर्फ मेरो ध्यान रहन्छ। अमेरिकामा हुन लागेको ‘नेम्पा पपुलर फिल्म अवार्ड – २०१८’ सम्मेलन पनि हो। म सम्मेलनमा चाहिँ सहभागी हुन जान लागेको हुँ।
मलाई नेपाली चलचित्रलाई दिइने अवार्डको छनौट प्रक्रिया प्रस्ट लाग्दैन, त्यसको म विश्वास गर्दिन। कहिँ कतै प्रभावित भएको जस्तो लाग्छ। म आफैँ पनि अवार्ड लिन योग्य भइसकेको जस्तो मलाई लाग्दैन। काम नै गर्न बाँकी छन्।
अमेरिकामा हुन लागेको ‘नेम्पा पपुलर फिल्म अवार्ड – २०१८’ मा जान मलाई त्यहाँ भएका दाजुभाइले नै आग्रह गरेका हुन्, मैले त्यसको सम्मान गरेको हुँ। तर म अवार्ड वितरण समारोहमा भने सहभागी हुुँदिन।’
भर्खरै
लोकप्रिय
