मौसमी संक्रमणबाट कसरी बच्ने?

काठमाडौँ – मौसम परिवतनसँगै विभिन्न किसिमका संक्रमणले आक्रमण गर्ने गर्छ । संक्रमणका कारण शरीरमा दैनिक समस्या आउँछ । । जसले गर्दा कार्य संचालनमा समेत बाधा निम्त्याउँछ ।

सरुवा रोग विषेशज्ञ डा. शेरबाहादुर पुनका अनुसार यो मौसममा धेरै रोगहरुको संक्रमणको जोखिम हुन सक्छ । यो समयमा विषेशगरी पानीजन्य, किटजन्य र हावाजन्य रोगहरुको बढ्दो संक्रमण रहन्छ।

यो समयमा पानीजन्य रोग टाइफाइड, झाडापखला, जन्डिस तथा हावाजन्य रोग रुखाखोकी, भाइरल ज्वरो र किटजन्य रोग मलेरिया, स्क्रप्ब टाइफस जस्ता संक्रामक रोग लागेका बिरामी सरुवा रोग अस्पताल टेकुमा दिनहुँ आउने गरेको डा. पुन बताउँछन् ।

पुन भन्छन् ‘यो समयमा सजक भएनै भने स्वास्थ्यमा गम्भीर असर पर्छ । तर्सथ यस्तो बेलामा स्वास्थ्यलाई निकै ख्याल गर्नुपर्छ ।’

कसरी बच्ने मौसमी संक्रमणबाट ?

• पानी उमालेरै खाने चाहे मौसम गर्मी होस या जाडो
• दूषित बासी खानेकुरा नखाने
• बाहिर सडकपेटीमा खुल्ला गरी बेच्न राखिएको खानेकुरा नखाने
• काम गर्न ठाँउमा कसैले खोक्दै छ भने आफु १ मिटरको दूरीमा बस्ने
• खाना या खाजा खाँदा साबुन पानीले राम्रोसँग हात धुने
• यो बेला लामखुट्टे, उडुस, उपियाँको जोखिम रहने हुँदा झुलको नियमित प्रयोग गर्ने
• भान्सा र घरवरपर सफा राख्ने
• यो मौसमा आँखाको संक्रमणको जोखिम रहने हुँदा धुलोबाट बच्न आँखालाई सुरक्षा दिने चस्मा लगाउने
• फोहोरमैला र प्रदुषणको कारणले गर्दा पनि सक्रमण जोखिम हुन्छ तसर्थ बाटोमा हिँड्दा मास्को प्रयोग गर्ने
• व्यक्तिगत स्वास्थ्यमा विषेश ध्यान दिने ।