काठमाडौँ – स्वास्थ्यमा समस्या देखिएपछि अस्पताल भर्ना भएका प्रधानमन्त्री केपी शर्मा ओलीलाई शीर्ष नेता तथा मन्त्रीहरु त्रिवि शिक्षण अस्पताल पुगेका छन् ।
ओलीलाई भेट्न पुष्पकमल दाहाल प्रचण्डसहितका नेता तथा मन्त्रीहरु त्रिवि शिक्षण अस्पताल पुगेका हुन् । नेपाल कम्युनिष्ट पार्टीका दुई अध्यक्ष मध्येका प्रचण्ड सोमबार बिहान त्रिवि अस्पताल पुगेका हुन् ।
यस्तै प्रधानमन्त्री पत्नी राधिका शाक्य पनि बिहानै त्रिवि अस्पताल पुगेकी हुन् । गृहमन्त्री रामबहादुर थापा बादल, शिक्षा मन्त्री गिरिराजमणि पोखरेल, आपूर्ति मन्त्री मात्रिका यादव, राष्ट्रियसभाका अध्यक्ष गणेश तिमल्सिना, नेकपा महासचिव विष्णु पौडेल, नेता झलनाथ खनाल, नेता भीम रावल, नेता शंकर पोखरेलसहितका मन्त्री तथा नेताहरु अस्पताल पुगेका हुन् ।
प्रधानमन्त्री ओलीको स्वास्थ्यमा सुधार भएको भनिए पनि स्वास्थ्यमा समस्या देखिएपछि उनलाई सोमबार बिहान तीनबजे तिर महाराजगञ्ज स्थित त्रिवि शिक्षण अस्पताल भर्ना गरिएको डा. अरुण सायमीले जानकारी दिए । प्रधानमन्त्री ओलीको छातीमा संक्रम देखिएको डा. सायमीले देश सञ्चारलाई बताएका छन् ।
यो पनि पढ्नुहोस्
भर्खरै
लोकप्रिय
