मातापिता बन्दै गरेका मेगन र ह्यारी उत्साहित मुद्रामा

बेलायती राज परिवारमा नयाँ सदस्य थपिने समय नजिकिँदै गएको छ । प्रिन्स ह्यारी र मेगन मर्केल अर्थात डचेज अफ ससेक्स चाँडै मातापिता बन्दै छन् । उनीहरुको पहिलो सन्तानले यो वर्षको वसन्त ऋतुमा जन्म लिँदै छन् ।

अहिलेसम्म गर्भमा रहेको बच्चा छोरा वा छोरी के हुन् भन्ने खुलाइएको छैन र यो पूर्णतः सरप्राइज हुने बताइएको छ । बेलायती सिंहाशनको लाइनमा ह्यारी र मेगनको सन्तान सातौँ नम्बरमा रहने छन्।

प्रिन्स ह्यारी र मेगन सोमबार एक कार्यक्रममा सहभागी भए । यो उनीहरुको सन् २०१९ को पहिलो आधिकारिक सार्वजनिक सहभागिता हो । उनीहरु बिर्केनहेडको हेमाइल्टन स्क्वायरमा नम्बर सेभेन नामक, फिडिङ्ग बिर्केनहेड नामक सिटिजन सुपरमार्केट एण्ड कम्युनिटी क्याफेको उद्घाटका लागि पुगेका हुन् ।

“We really believe in the work that Tomorrow’s Women is doing but having spoken to all of you, we very much believe in each and every one of you. You are an inspiration to so many people.” — The Duchess of Sussex @TomorrowsWomen #RoyalVisitBirkenhead pic.twitter.com/nqQyfF8fuQ

— Kensington Palace (@KensingtonRoyal) January 14, 2019

ह्यारी र मेगन उत्साहित देखिएका छन् । उनीहरुलाई जम्मा भएका सर्वसाधारण र बालबालिकाले स्वागत गरेका थिए ।

तस्बिर : रोयटर्स