काठमाडौँ– सूर्यविनायक नगरपालिका -४ स्थित अनन्तलिङ्ग कैलाशडाँडामा सामुदायिक भवनसहित बहुआयामिक दृश्यावलोकन स्तम्भको शिलान्यास गरिएको छ । प्रतिनिधिसभा सदस्य महेश बस्नेत र प्रदेशसभा सदस्य शशीजङ्ग थापाले सोमबार दृश्यावलोकन स्तम्भको शिलान्यास गरेका हुन्।
प्रदेश नम्बर ३ भौतिक पूर्वाधार विकास मन्त्रालयअन्तर्गत शहरी विकास तथा भवन कार्यालयले निर्माण गर्ने उक्त स्तम्भको शिलान्यास गरिएको हो । स्तम्भ निर्माणको पहिलो चरणमा रु ६२ लाख नौ हजार ८८२ को लागतमा आगामी २०७७ जेठ १३ गतेसम्म स्तम्भ निर्माण सम्पन्न गरिसक्ने गरी निर्माण कम्पनीसँग सम्झौता भएको छ । बयालीस फिट लम्बाइ, ४२ फिट चौडाइ तथा ४० फिट उचाइको टावर निर्माण गरिने भएको छ ।
कार्यक्रममा पूर्वमन्त्री बस्नेतले १० वटा घरवास सञ्चालन गर्नका लागि ब्ल्याङ्केट, डस्टबिन, ह्याङ्गर, डोरम्याट र सिरानी वितरण गरे। उनले स्तम्भ निर्माणपछि यो ठाउँ पर्यटकीय स्थलको रुपमा विकास हुने बताए।
भर्खरै
लोकप्रिय
