दाङ – निधारमा सेतो चन्दन । रातो टीका । गेरु रंगको बस्त्रले शिर ढाकेका बालकहरु । लमही नगरपालिका–३ स्थित स्वर्गद्धारी आश्रममा सञ्चालन भएको शक्ति महायज्ञमा आउने श्रद्धालु भक्तजनको ध्यान यी कलिला बटुकले तान्ने गरेका छन् ।
स्वर्गद्धारी आश्रममा अध्ययनका लागी देशका विभिन्न जिल्लाबाट आएका बटुकहरु चिसो छल्न स्वर्गद्धारी झरेका हुन् । अहिले उनीहरु बनगाउँ आश्रममा चलेको महायज्ञको दैनिक पुजन कार्यमा सहभागी हुने गरेका छन् । स्वति वाचनदेखि अन्य पुण्य कार्यमा उनीहरुले भाग लिने गरेका छन् । महायज्ञको सजावटदेखि अन्य काममा समेत उनीहरुले साथ दिएका थिए ।
एक वर्षअघि स्वर्गद्धारी आश्रमका पिठाधिश स्वामी भागवतानन्द गिरीले सुरु गरेको अखण्ड यज्ञ सकिएपछि त्यसको सांगेता कर्न महायज्ञ आयोजना गरिएको हो ।
चैत १, २, ३ र ४ गते महायज्ञ गर्ने तयारी थियो । सरकारले धेरै मानिस जमघट हुने कार्यक्रमहरु नगर्न अनुरोध गरेपछि महायज्ञलाई संक्षिप्त पारिएको हो । आउदो चार गतेलाई विशेष पुजन कार्यक्रम राखिएको छ । कोरोनाको त्रासका कारण भारतीय भक्तजन आउने कार्यक्रम रोकिएको छ ।
स्वर्गद्धारी आश्रमका पिठाधिश स्वामी भागवतानन्द गिरीले एक वर्षको अवधीमा कठोर उपास्ना गरे । दैनिक १३ घण्टा उनले ध्यान, जप, पाठ, हवन गरेको आश्रमका प्रमुख प्रतिनिधि डाक्टर धुव्र श्रीले बताए । विश्व शान्तिको कामना गर्दै उनले गरेको कठोर तपस्या पूरा भएको छ ।
भर्खरै
लोकप्रिय
