भारतको राजधानी दिल्लीको वायु प्रदूषण उत्कर्षमा पुगेको छ । किसानले जलाएको पराल तथा दीपावलीका अवसरमा पड्काइएका पटाकाका कारण निस्किएको धुवाँले दिल्लीको वायू गम्भीर रुपमा प्रदूषित भएको हो ।
शनिबार बेलुका दिल्लीको वायु प्रदूषण खतराको तहमा पुगेको छ ।
दिल्लीमा दीपावलीको अवसरमा पटाका बिक्री तथा पड्काउन रोक लगाइएको भए पनि शनिबार बेलुका त्यसको उल्लंघन भयो । अबेर रातिसम्म पटाका पड्काइयो ।
दिल्लीको आनन्द बिहार, इन्दिरा गान्धी अन्तर्राष्ट्रिय विमानस्थल आसपासको क्षेत्र, आइटीओ र लोधी रोड क्षेत्रमा वायुको गुणस्तर खतराको तहमा पुगेको हो ।
दिल्ली प्रदूषण नियन्त्रण समितिलाई उद्धृत गर्दै समाचार संस्था एनएनआईले भनेको छ कि शनिबार राति ११ बजे आनन्द बिहारको वायुमा पीएम २.५ पार्टिकलको मात्रा ४८१ मापन गरिएको छ । यस्तै इन्दिरा गान्धी विमानस्थल आसपास क्षेत्रमा पीएम २.५ को तह ४४४, आइटीओमा पीएम २.५ को तह ४५७ र लोधी रोड क्षेत्रमा ४१४ मापन गरिएको छन् ।
शून्यदेखि ५० सम्मलाई राम्रो मानिन्छ भने ५१ देखि १०० सम्मलाई सन्तोषजनक, १०१ देखि २०० सम्मलाई मध्यम, २०१ देखि ३०० खराब र ३०१ देखि माथिको एक्यूआइलाई अति खराब मानिन्छ।
भर्खरै
लोकप्रिय
