इटालियन सिरी ए फुटबल अन्तर्गत आइतबार राति भएको खेलमा शीर्ष स्थानको एसी मिलानले नापोलीलाई पराजित गरेको छ ।
अवे मैदानमा भएको खेलमा एसी मिलानले नापोलीमाथि ३–१ को जित दर्ता गरेको हो । मिलानका लागि जाल्टन इब्राहिमोविचले दुई तथा यन्स पिटर हाउगेले एक गोल गरे । नापोलीका लागि ड्रिएस मर्तेन्सले एक गोल फर्काए ।
२० र ५४ औँ मिनेटमा गोल गरि ३९ वर्षे इब्राहिमोविचले एसी मिलानलाई अग्रता दिलाए । उनले यो सिजन लिगका ६ खेलमा १० गोल गरिसकेका छन् ।
६३ औँ मिनेटमा मर्तेन्सले नापोलीका लागि एक गोल फर्काए । ६५ औँ मिनेटमा बाकायोको दोहोरो पहेँलो कार्ड पाएर बाहिरिएपछि नापोली १० खेलाडीमा सीमित भयो । यन्स पिटरले इन्जुरी समयको पाँचौँ अर्थात ९५ औँ मिनेटमा गोल गरि एस मिलानलाई ३–१ को जित दिलाए ।
जितपछि शीर्ष स्थानको एसी मिलानको ८ खेलबाट २० अंक भएको छ । आइतबार राति नै भएको खेलमा हेलास भेरोनालाई २–० ले पराजित गरेको सासुओलो १८ अंकसहित दोस्रो स्थानमा छ ।
यस्तै पार्मालाई ३–० ले पराजित गरेको रोमा १७ अंकसहित तेस्रो स्थानमा रहेको छ । १६ अंक रहेको युभेन्टस चौथो स्थानमा झरेको छ ।
भर्खरै
लोकप्रिय
