अ
+
अ
अ
-
माेरङ– अवैध रुपमा भित्र्याइएको १ हजार ५ सय ५० किलोग्राम तरकारीजन्य सामान प्रहरीले मोरङको धनपालथान गाउँपालिकाबाट बरामद गरेको छ।
जिल्ला प्रहरी कार्यालय मोरङका अनुसार गाउँपालिका ३ स्थित सीताराम सिंहको घर नजिकबाट लुकाइराखेको अवस्थामा आलु, प्याज, लसुन प्रहरीले बरामद गरेको हो।
इलाका प्रहरी कार्यालय रंगेलीले राति करिब १२ बजे सिंहको घर नजिकको छाप्रोबाट २१ बोरा (१ हजार ५० किलोग्राम) आलु, ७ बोरा (३ सय ५० किलोग्राम) प्याज र ३ बोरा लसुन (१ सय ५० किलोग्राम) बरामद गरिएको मोरङ प्रहरीका प्रवक्ता प्रहरी नायब उपरीक्षक मानबहादुर राईले जानकारी दिए।
राईका अनुसार भारतबाट नेपालतर्फ अवैध रुपमा ल्याएर लुकाइराखेको अवस्थामा १ लाख ४५ हजार रुपैयाँ बराबरको खाद्यान्न बरामद गरिएको हो। बरामद गरिएको सामान विराटनगर रानीस्थित भन्सार कार्यालयमा बुझाउने प्रहरीले जनाएको छ।
भर्खरै
लोकप्रिय
