जर्मन बुण्डेस लिगा क्लब बार्यन म्युनिख च्याम्पियन्स लिग फुटबलको अन्तिम १६ मा स्थान बनाउन सफल भएको छ ।
समूह चरणका दुई खेल बाँकी हुँदै बार्यन म्युनिख समूह ए बाट नकआउट चरणमा स्थान बनाउन सफल भएको हो ।
बुधबार राति घरेले भैदानमा भएको खेलमा १० खेलाडीमा सीमित भएको बार्यन म्युनिखले एफसी रेड बुल साल्ज्बर्गलाई ३–१ ले पराजित गरेको हो ।
बार्यनको जितमा रोबर्ट लेवान्डोस्की (४२ औँ मिनेट), किङ्गस्ले कोम्यान (५२ औँ मिनेट) र लिरोय साने (६८ औँ मिनेट) ले गोल गरे । मार्को रोको ६६ औँ मिनेटमा दोहोरो पहेँलो कार्ड पाएर मैदानबाट बाहिरिए । रेड बुलका लागि बेरिशले ७३ औँ मिनेटमा एक गोल फर्काए ।
लेवान्डोस्कीले च्याम्पियन्स लिगमा हालसम्म ७१ गोल गरेका छन् । उनी सर्वकालीन सर्वाधिक गोलकर्ताको सूचिमा तेस्रो स्थानमा रहेका राउलसँग बराबरी गर्न सफल भएका छन् ।
दोस्रो स्थानमा रहेका लियोनल मेस्सीले ११८ तथा शीर्ष स्थानमा रहेका क्रिष्टियानो रोनाल्डोले १३१ गोल गरेका छन् ।
समूह ए अन्तर्गत नै भएको अर्को खेलमा एथ्लेटिको मड्रिड लोकोमोटिभ मस्कोसँग गोलरहित बराबरीमा रोकिएको छ । पाँच अंकसहित एथ्लेटिको समूहको दोस्रो स्थानमा छ ।
भर्खरै
लोकप्रिय
