लेस्टर सिटी युरोपा लिग फुटबलको नकआउट चरणमा

लेस्टर सिटी युरोपा लिग फुटबलको नकआउट चरणमा प्रवेश गरेको छ । समूह जी अन्तर्गत बिहीबार राति भएको खेलमा स्पोर्टिङ्ग ब्रागासँग ३–३ को बराबरी गर्न सफल भयो ।

सो बारबरीका लागि इन्जुरी समयको पाँचौँ अर्थात ९५ औँ मिनेटमा जेमी भर्डीले गरेको गोल निर्णाक बन्यो । स्पोर्टिङ्गका लागि चौथो मिनेटमा अल मुस्राती र २४ औँ मिनेटमा डिजाय फेर्नान्डेसले गोल गरेका थिए ।

लेस्टर सिटीका लाचगि बार्नेसले नवौँ तथा थोमसले ७८ औँ मिनेटमा गोल गरेका हुन् । ९० औँ मिनेटमा राड्रिग्वेज बार्बोसाले गोल गरि ब्रागालाई अग्रता दिलाए तर भर्डीले इन्जुरी समयमा गोल गरि लेस्टरलाई बराबरीमा ल्याएका हुन् ।

सो बारबरीपछि चार खेलबाट १० अंकसहित शीर्ष स्थानमा रहेको लेस्टरले नआउट चरणमा स्थान बनाउन सफल भएको छ ।