मोरङ-प्रदेश १ मा कोरोना भाइरसका २ सय २० जना नयाँ संक्रमित थप भएका छन्।
विराटनगरस्थित सामाजिक विकास मन्त्रालयका अनुसार शुक्रबार प्रदेशमा ९ सय ११ जनाको पिसिआर परीक्षण गरिएकोमा ८९ महिला र १ सय ३१ जना पुरुषको रिपोर्ट पोजिटिभ आएको हो।
यसक्रममा झापामा ८४, मोरंगमा ७२, सुनसरीमा ३५, संखुवासभामा १०, इलाममा ६, खोटाङमा २, उदयपुर र धनकुटामा समान १ र प्रदेश १ बाहिरका ९ जनामा संक्रमण पुष्टि भएको हो।
झापाको दमकमा २६, कनकाईमा १३, भद्रपुर र विर्तामोडमा १०–१०, मेचीनगरमा ९, बुद्धशान्तिमा ३, गौरीगञ्ज, शिवसताक्षी, बा¥हदशी, अर्जुनधारा, झापा गाउँपालिकामा समान २, हल्दिबारी, गौरादह र स्थानीय तह नखुलेकामा समान १ जनामा संक्रमण देखिएको छ।
त्यसैगरी मोरंगको विराटनगर महानगरपालिकामा ४४, सुन्दरहरैचामा ८, पथरीशनिश्चरे र बेलबारीमा समान ५, उर्लाबारीमा ४, रतुवामाईमा ३, मिक्लाजुङमा २, कटहरीमा १ जनाको पिसिआर रिपोर्ट पोजिटिभ आएको छ । सुनसरीको धरानमा १३, इटहरीमा ८, इनरुवा र बराहक्षेत्रमा ६–६, रामधुनी र दुहवीमा समान १ जनामा संक्रमण देखिएको मन्त्रालयले जनाएको छ।
त्यसैगरि, पहाडी क्षेत्रतर्फ संखुवासभाको खाँदबारीमा ८, सभापोखरी र स्थानीयतह नखुलेकामा समान १, इलामको सुर्योदय र माईजोगमाईमा समान २, चुलाचुली र मांसेबुङमा समान १, खोटाङको हलेसी तुवाचुङ र स्थानीय तह नखुलेकामा समान १, उदयपुरको रौतामाईमा १, धनकुटामा १ र प्रदेश १ बाहिरका ९ जनाको रिपोर्ट पोजिटिभ आएकोे छ । यससंगै प्रदेशमा हालसम्म कोरोना संक्रमितको संख्या २६ हजार ६ सय ७९ पुगेको छ।
अर्कोतर्फ, प्रदेशमा शुक्रबार १ सय ८८ जना संक्रमित निको भएर डिस्चार्ज भएका छन्। मन्त्रालयका अनुसार प्रदेशका विभिन्न होमआईसोलेसनबाट १ सय ७८, बुढीगंगा गाँउपालिकास्थित विराट शिक्षण अस्पतालबाट ८, धरानस्थित वीपी कोइराला स्वास्थ्य विज्ञान प्रतिष्ठान र विराटनगरको न्युरो अस्पतालबाट समान १ जना डिस्चार्ज भएका छन् । प्रदेशमा हालसम्म कोरोना संक्रमित डिस्चार्ज हुनेको संख्या २१ हजार ६ सय ७९ पुगेको छ ।
भर्खरै
लोकप्रिय
