अ
+
अ
अ
-
दिल्लीका मुख्यमन्त्री अरविन्द केजरीवाललाई गृह मन्त्रालयको आदेशमा हाउस अरेस्ट गरेको आरोप आम आदमी पार्टीले लगाएको छ ।
आपले पत्रकार सम्मेलन गरेर आफ्ना नेता तथा मुख्यमन्त्री केजरीवाललाई किसान आन्दोलनको समर्थन गरेकामा हाउस अरेस्ट गरिएको दाबी गरेको हो ।
आपले भनेको छ, ‘केन्द्र किसानको आन्दोलन कुल्चिन चाहन्थ्यो । दिल्ली रंगशालामा जेल बनाएर कैद गर्न चाहन्थ्यो । जब मुख्यमन्त्रीले किसानको समर्थन गर्नु भयो, तबदेखि केन्द्र सरकार बौलाएको छ । हामी किसानको साथ छोड्ने छैनौँ, उनीहरु हाम्रा अन्नदाता हुन् ।
तर दिल्ली पुलिसका डीसीपी एन्टो अल्फोन्सले भने मुख्यमन्त्री अरविन्द केजरीवाललाई हाउस अरेस्ट नगरेको बताएका छन् ।
केजरीवालको घरमा प्रहरीको तैनाथी भने बढेको छ । सामान्य कारणले त्यहाँ तैनाथी बढाइएको दाबी अल्फोन्सको छ ।
भर्खरै
लोकप्रिय
