नेपालगञ्ज-जिल्ला प्रशासन कार्यालय, बाँकेले एसीसहितको सेवाग्राही कक्ष सञ्चालनमा ल्याएको छ। प्रशासनले सेवाग्राहीलाई बुधबारदेखि नै टोकन प्रणाली पनि लागू गरेको छ।
नेपालगञ्जका मेयर डा. धवलशमशेर राणाले सेवाग्राही कक्ष र टोकन प्रणालीको बुधबार उद्घाटन गरे।
उनले नेपालगञ्जस्तो अत्यन्तै गर्मी हुने ठाउँमा सेवाग्राहीलाई एसीसहितको कक्ष निर्माण गरिदा सेवा लिन आउने जनतालाई ठूलो राहत हुने बताए।
जिल्ला प्रशासन कार्यालयले नेपालगञ्ज उपमहानगरपालिकाका २३ वटा वडाबाट सहयोग लिएर प्रशासनले सुविधायुक्त सेवाग्राही कक्ष सञ्चालनमा ल्याएको हो।
प्रमुख जिल्ला अधिकारी रामबहादुर कुरुम्बाङले सेवाग्राहीमैत्री कार्यालय बनाउदै जाने क्रममा उनीहरुलाई बस्ने व्यवस्था मिलाइएको बताए।
३६ लाख रुपैयाको लागतमा प्रशासनले सेवाग्राही कक्ष सञ्चालन गरेको छ । प्रशासनमा अहिले सेवाग्राही एसीमा र कर्मचारी पंखा बसेर काम गर्ने अवस्था आएको छ।
भर्खरै
लोकप्रिय
