धातु उत्खननको क्षेत्र स्थापित कम्पनी रियो टिन्तोले ४६ हजार पुरानो आदिवासी गुफा पुनर्निर्माण गर्नु पर्ने भएको छ । गएको मे मा फलाम उत्खननको क्रममा सो गुफा ध्वस्त भएको थियो ।
अस्ट्रेलियाको पश्चिमी क्षेत्रमा रहेको जूकान गोर्ज गुफाम रियो टिन्तोले पुनर्निमार्ण गर्नु पर्ने अस्ट्रेलियन संसदको अनुसन्धान समितिले बताएको हो ।
पिल्बारा क्षेत्रमा रहेको सो गुफा हिम युगको अन्तिम समयदेखि कायम रहेको थियो । रियो टिन्तोले प्रशासनको स्वीकृतिमा कच्चा फलाम उत्खनन् गर्ने काम बिस्तार गरेको थियो ।
सोही क्रममा पूतु किन्ती कुर्रामा र पिनिकुरा समुदाय (पिकेकेपी) का मानिससँग सम्बन्धित गुफा स्वस्त भएको हो । पश्चिम अस्ट्रेलियामा धेरै प्रागऐतिहासिक कलाकृतिहरु फेला परेका छन् ।
रियो टिन्तोले गोर्ज गुफा ध्वस्त भएको प्रति रियो टिन्तोका कच्चा फलाम उत्खनन् विभागका प्रमुख कार्यकारी क्रिस सालिस्बरीले माफी माग्दै भनेका थिए, ‘हाम्रा कारण भएको तनाव र क्षतिप्रति माफी चाहन्छौँ ।’
पिकेकेपी समुदायप्रति आफूहरुको सम्मान रहेको उनले उल्लेख गरेका थिए । सो गुफमा परम्परागत रुपमा पिकेकेपी समुदायको स्वामित्व रहँदै आएको छ ।
गुफा ध्वस्त हुनु अति विनाशक झड्का रहेको पिकेकेपी समुदायका प्रतिनिधिले बताउँदै आएका छन्।
भर्खरै
लोकप्रिय
