धनगढी – टीकापुर घटनाका आरोपित रेशम चौधरीको मुद्धामा उच्च अदालत दीपायलले बिहीबार फैसला गर्दैछ । उच्च अदालत दीपायलका अनुसार हाल केन्द्रीय कारागारमा रहेका रेशमको मुद्धामा बहस जारी छ ।
उच्च अदालत दीपायलका न्यायधिस टेकनारायण कुँवर र सीताराम मण्डलको संयुक्त इजलासले मुद्धा हेरिरहेका छन् । त्यसैगरी रेशम चौधरीको पक्षमा गम्भीर सिंह ऐर, गंगाराम पाध्याय र गजेन्द्र केसीले बहस गरिरहेका छन् ।
उच्च अदालत दिपायलकी निमित्त रजिष्टार सीता रेग्मीले सम्भवतः बिहीबार नै उच्च अदालतले रेशमको मुद्धालाई किनारा लगाउने बताएकी छन् ।
२०७२ साल भदौ ७ गते टीकापुरमा एक नाबालकसहित नौजनाको ज्यान जाने गरि भएको घटनामा रेशम चौधरी आरोपित छन् ।
जिल्ला अदालत कैलालीले २०७५ साल फागुन २२ गते रेशम चौधरीसहित ११ जनलाई जन्म कैदको फैसला सुनाएको थियो । रेशम चौधरी २०७४ सालमा भएको निर्वाचनमा कैलालीको क्षेत्र नम्बर १ बाट प्रतिनिधिसभा सदस्यमा निर्वाचित हुन् ।
भर्खरै
लोकप्रिय
