काठमाडौँ – गृहमन्त्री रामबहादुर थापा बादलले आफ्नो पक्षको बेग्लै छलफल थालेका छन् । बादलले मन्त्री निवास पुल्चोकमा सोमबार आधा दर्जन सांसद र नेकपाका १६ केन्द्रीय सदस्यसँगको छलफलमा जुटेका हुन् ।
प्रचण्ड–नेपाल समूहका सात मन्त्रीले सामूहिक राजीनामा दिँदा बादलले दिएका छैनन् । यसले उनी संसद विघटन गर्ने प्रधानमन्त्री ओलीको पक्षमा देखिएको विश्लेषण भइरहेको छ ।
सोही क्रममा उनले मन्त्री निवासमै आफू पक्षीय नेताहरुसँग परामर्श गरिरहेका छन् । बादललाई ओलीसँग नमिल्न र प्रचण्डलाई साथ दिन डेढ दर्जन केन्द्रीय सदस्यको दबाब छ।
बादलसँगको छलफलमा स्थायी कमिटि सदस्यहरु देव गुरुङ र पम्फा भुसाल पनि छन् ।
केन्द्रीय कमिटिमा रहेका हितमान शाक्य, लेखनाथ न्यौपाने, मनोज थापा, यशोधा सुवेदी, सूर्यप्रकाश सुवेदी, सावित्रिकुमार काफ्ले, अमृता थापा मगर, श्रीराम ढकाल, मायाप्रसाद शर्मा, महेश्वर दाहाल, युवराज भट्टराई, रामदीप आचार्य र सुरेश आलेमगर पनि छलफलमा सहभागी छन् ।
बादलको पक्षमा नेकपाका ३४ जना केन्द्रीय सदस्य छन् ।
भर्खरै
लोकप्रिय
