काठमाडौँ– सुदूरपश्चिमका नेकपा ओली खेमाका नेताहरूले आगामी मंसिरमा महाधिवेशन गर्ने हिम्मत अर्को खेमालाई नभएको आरोप लगाएका छन्।
नेताहरूले तोकिएको मितिमा निर्वाचन हुने भएकाले त्यसमा एक जुट हुन आग्रह गरेका छन्। ओलीले ४ जनालाई मन्त्री बनाउने कुरा महत्त्वपूर्ण भएको उनीहरुको भनाइ छ। दाहाल–नेपाल पक्षले घिनलाग्दो नारा लगाएको आरोप पनि उनीहरुले लगाएका छन्।
दाहाल–नेपाल समूहको सबै प्रयास असफल भएको उनीहरुको भनाइ छ। वन मन्त्री प्रेम आलेले ओली मरेपछि सबै भाग खाउँला भनेको र त्यो नपाएपछि प्रचण्ड चोइटिएर गएको आरोप लगाए।
आलेले नेता भीम रावलले पटक–पटक नेताको पैताला चाटेर डा. भएको आरोप लगाए। रावलले उपप्रधानमन्त्री बनाउन पर्यो भन्दै ओलीलाई गरेको आग्रह असफल भएपछि अर्को खेमामा लागेको आलेले आरोप लगाए।
ओली सरकारलाई सफल बनाएर छोड्ने उनले अठोट लिए। रावल जस्तो तुच्छ नेता कोही पनि नभएको आलेले आरोप लगाए।
भर्खरै
लोकप्रिय
