चार वर्षीय बालकले खरमा लगाएको आगोमा जलेर दुई वर्षीया बहिनीको मृत्यु

धनगढी– बैतडीमा खरमा लगाएको आगोले पोलेर एक बालिकाको ज्यान गएको छ।

सिगास गाउँपालिका वडा नम्बर ३ साउनखेतका मानबीर साउदका चार वर्षीय छोराले घर पछाडि रहेको खरमा आगो लगाउँदा बालिकाको मृत्यु भएको प्रहरीले जनाएको छ।

जिल्ला प्रहरी कार्यालय बैतडीका अनुसार बालकले लगाएको आगोमा परी साथमा रहेकी उनकै दुई वर्षीया बहिनी रेखा साउदको घटनास्थलमै ज्यान गएको हो। आगोले घरमा पनि सामान्य क्षति भएको प्रहरीले जनाएको छ।