इस्वी सम्वतको नयाँ वर्ष २०२१ सुरु

काठमाडौँ – ग्रेगोरियन पात्रो अनुसार शुक्रबारदेखि नयाँ वर्ष इस्वी सम्वदको नयाँ वर्ष सन् २०२१ सुरु हुँदैछ । जिजस क्राइस्टलाई फाँसी दिएपछि इस्वी सम्वदको सुरुवात भएको भन्ने मान्यता छ ।

पोप ग्रेगोरीले जुलियन पात्रो अनुसारको सम्वतलाई प्रतिस्थापन गर्दै अहिले प्रचलनमा आएको पात्रोलाई चलाएकाले यसलाई ग्रेगोरियन पात्रो अनुसारको नयाँ वर्ष भनिन्छ ।

जुलियन पात्रो शासक जुलियस सिजरले प्रचलनमा ल्याएका थिए । विवादकै कारण यो पात्रो रसियाले २०० वर्षपछि मात्र प्रचलनमा ल्याएको पूर्व प्रशासक एवम ज्योतिषाचार्य डा. खिलानाथ बस्ताकोटी बताउँछन् ।

विवाद भए पनि उपनिवेशकालमा विभिन्न स्थानमा यो संवत लादेकाले हाल यसको विश्वव्यापी प्रचार छ ।

नेपालमा अंग्रेजी नयाँ वर्ष मनाउने गरिएको छ । काठमाडौँको ठमेल, बौद्ध, पोखरालगायत स्थानमा ‘न्यू इयर इभ’ का नाममा यो संवत मनाइन्छ ।