हिजो यता आज उता!

हाम्रा नेता कति बाठा हिजो यता आज उता
झोला भिर्ने पनि टाठा हिजो यता आज उता ।।

जस्का खातिर बजाउ बाजा पाउने आखिर भुस्
टरक चढि आए लाटा हिजो यता आज उता।।

मेचमा बसि अडेस् लाउने बानि लाग्यो कस्तो
मेच नपाउँदा भयो घाटा हिजो यता आज उता ।।

हुल हुज्जत दुवै तर्फ ज्यान जोगाउन मुस्किल
विरोधीलाइ चुट्ने भाटा हिजो यता आज उता ।।

कहिले छुरा उस्को साथ कहिले यता बगलिमा
मुडिएका कति चार पाटा हिजो यता आज उता ।।

उचालिएका दौडिए सडकमा घ्याम्पो भित्र आफू
अरुका पर्ने जिउमा टाटा हिजो यता आज उता ।।

उचालि उचालि जुधाए भाले जिते खाउला भन्दै
दुख्छ अझै घाउका खाटा हिजो यता आज उता ।।