सिमकोट – कर्णाली नदीमाथि दुईवटा मोटरेवल पुल बन्ने भएका छन्। खार्पुनाथ गाउँपालिकाका तीनवटा वडासँग सडक सञ्जाल जोड्नका लागि पक्की पुल बन्न लागेको हो।
लालीबगरबाट औलथाली र याङ्चुबगरबाट तुम्लीङ जोड्ने दुईवटा पक्की पुल बन्ने प्रकृया सुरु भएको पूर्वाधार विकास कार्यालयका प्रमुख देवी ऐडीले जानकारी दिए।
दुवै पुल निर्माणका लागि ई बिडिङ प्रकृया सुरु हुन लागेको छ। लालीबगरबाट औलथाली पक्की पुलका लागि १५ करोड दुई लाख र गाउँपालिका केन्द्र याङ्चु बजारदेखि तुम्लिङ जोड्ने पक्की पुलका लागि १७ करोड ९४ लाख बजेट विनियोजित भएको छ।
बहुवर्षीय योजना अनुसार बन्ने भएका कारण यी पुलहरु पाँच वर्ष भित्र निर्माण अवधि राखिएको छ।
ई बिडिङबाट छनौट भएका निर्माण कम्पनीले पक्की पुलको डिजाईन र निर्माण आफै गर्नु पर्ने छ। पुलको निर्माण पछि खार्पुनाथ गाउँपालिकाका वडा नम्बर २,३ र ४ का सात सय घरधुरीका स्थानीय लाभान्वित हुने खार्पुनाथ गाउँपालिका अध्यक्ष कर्णबहादुर रावलले बताए।
भर्खरै
लोकप्रिय
