लमजुङ – नेपाली कांग्रेस गण्डकी प्रदेशको जारी अधिवेशनमा मनाङका दुई जनासहित प्रदेश कार्यसमिति सदस्य पदमा सात जना निर्विरोध निर्वाचित भएका छन्।
प्रदेश कार्यसमितिका लागि भूगोलतर्फबाट सदस्यमा उम्मेदवारी दिएका मनाङका विनोद गुरुङ र चिउडे लामा निर्विरोध भएका हुन्। कांग्रेस विधानअनुसार प्रदेश कार्यसमितिका लागि एकमात्र संघीय निर्वाचन क्षेत्र रहेको जिल्लाबाट अनिवार्य एक महिलासहित दुई जना सदस्य रहने व्यवस्था छ।
सोहीअनुसार मनाङबाट पुरुषतर्फ गुरुङ र महिलातर्फ लामा निर्विरोध निर्वाचित भएका हुन्। मनाङसहित प्रदेश कार्यसमिति सदस्यमा उम्मेदवारी दिएका मुस्ताङ, तनहुँ र पर्वतका गरी सात जना निर्विरोध निर्वाचित भएका हुन्।
मुस्ताङबाट भूगोलतर्फ पुष्पा भट्टचन शेरचन र सुवर्णकुमार विष्ट निर्विरोध निर्वाचित भए। यसैगरी भूगोलतर्फकै प्रदेश कार्यसमितिमा उम्मेदवारी दिएका तनहुँका मायादेवी राना आले र लक्ष्मीप्रसाद आचार्य पनि निर्विरोध निर्वाचित भएका हुन्।
भूगोल महिलातर्फबाट उम्मेदवारी दिएकी पर्वतकी मीनाकुमारी केसी पनि निर्विरोध निर्वाचित भएको नेपाली कांग्रेस गण्डकी निर्वाचन समितिले जनाएको छ। निर्विरोध निर्वाचितबाहेक अन्य उम्मेदवारका लागि शनिबार मतदान हुँदैछ। -न्युज कारखाना
भर्खरै
लोकप्रिय
