अ
+
अ
अ
-
भक्तपुर – ट्याटु खोपाउन भनी गएका एक युवकको बुधबार अचानक बेहोस भई मृत्यु भएको छ।
महानगरीय प्रहरी परिसर भक्तपुरका अनुसार स्थानीय ३३ वर्षीय विराज खड्काको उपचारको क्रममा मृत्यु भएको हो।
उनको काठमाडौँको सिनामंगलस्थित केएमसीमा उपचारको क्रममा गएराति मृत्यु भएको महानगरीय प्रहरी परिसर भक्तपुरका प्रवक्ता प्रहरी नायब उपरीक्षक राजु पाण्डेले जानकारी दिए।
हाल काठमाडौँ कोटेश्वर बस्दै आएका विराज बुधबार ट्याटु खोपाउन भनी बीपी नेत्र प्रतिष्ठान नजिक सञ्चालित आईएनके ट्याटुमा गएका थिए। पालो कुरेर बसिरहेको अवस्थामा अचानक बेहोस भएकोमा ट्याटु सञ्चालक तथा आफन्तसमेत भई उपचारका लागि केएमसी अस्पताल सिनामंगल लगिएको उनले बताए।
घटनास्थलमा अनुसन्धान अधिकृतसहितको प्रहरी टोली खटिई गई अनुसन्धान कार्य अगाडि बढाइएको प्रहरी नायब उपरीक्षक पाण्डेले बताए।
भर्खरै
लोकप्रिय
