भक्तपुरको ब्यासीमा झुण्डिएको अवस्थामा भेटिए किशोरी

भक्तपुर – जिल्लाको भक्तपुर नगरपालिका– २ व्यासीस्थित आफ्नै कोठामा एक किशोरी झुण्डिएको अवस्थामा फेला परेकी छन्।

महानगरीय प्रहरी परिसर भक्तपुरका अनुसार स्थानीय कृष्णप्रसाद कोजुकी १६ वर्षीया छोरी जेशिाका साढे चार तले पक्की घरको चौथो तल्लास्थित आफेनै कोठाको सिलिङको हुकमा नाइलनको डोरीले पासो लगाई झुण्डी मृत्यु भएको अवस्थामा फेला परेकी हुन्।

भक्तपुर प्रहरीका प्रवक्ता प्रहरी नायब उपरीक्षक राजु पाण्डेले शुक्रबार दिउँसो जेशिका आफ्नै कोठामा झुण्डिएको सूचना प्राप्त हुनासाथ परिसर भक्तपुरबाट अनुसन्धान अधिकृतसहितको प्रहरी टोली खटिएको जानकारी दिए।

घटना सम्बन्धमा अनुसन्धान कार्य भइरहेको उनले जानकारी दिए।