अ
+
अ
अ
-
काठमाडौँ – काठमाडौं महानगरपलिका–१७ धोबीचौरस्थित सडकबाट एक थान पहेंलो रंगको धातुको मूर्तिसहित एक जनालाई प्रहरीले पक्राउ गरेको छ।
पक्राउ पर्नेमा टोखा बस्ने काभ्रेपलाञ्चोक तेमाल गाउँपालिका–८ घर भएका १७ वर्षीय किशोर रहेका छन्। उनलाई मंगलबार राति पक्राउ गरिएको प्रहरीले जनाएको छ।
पक्राउ परेका किशोरको साथबाट प्रहरीले नगद १ लाख ४ हजार ७ सय ४० रुपैयाँसमेत बरामद गरेको छ।
महानगरीय प्रहरी वृत्त लैनचौरबाट खटिएको प्रहरीले उनलाई शंकास्पद रुपमा हिँडडुल गरिरहेको अवस्थामा फेला पारी जाँच गर्दा उनको साथबाट उक्त मूर्ति र नगद फेला पारी पक्राउ गरेको हो।
यस सम्बन्धमा प्रहरीले आवश्यक अनुसन्धान गरिरहेको छ।
भर्खरै
लोकप्रिय
