अ
+
अ
अ
-
बुटवल- उम्मेदवारी दर्तालाई लिएर असन्तुष्ट कार्यकर्ताले पार्टी छाड्ने क्रम जारी छ । रुपन्देहीको गैँडहवा गाउँपालिकामा उम्मेदवारी चयनप्रति तीव्र असन्तुष्टि जनाउँदै नेपाली कांग्रेसका ३० जना कार्यकर्ताले पार्टी छाडेका छन्।
उनीहरुले संयुक्त विज्ञप्ती जारी गर्दै पार्टी परित्याग गरेको घोषणा गरेका हुन्। नेपाली कांग्रेस गैँडहवा गाउँ कार्यसमितिका सभापति सत्यनारायण पथिकसहित ३० जना नेता तथा कार्यकर्ताले पार्टी परित्याग गरेका हुन्।
कांग्रेसले गैँडहवा गाउँपालिका अध्यक्षमा वसिउल्लाह मुसलमानलाई उम्मेदवार बनाएपछि कार्यकर्ता असन्तुष्ट बनेका हुन्। उनी अघिल्लो स्थानीय तहको निर्वाचनमा पराजित भएका थिए।
एक पटक पराजित भैसकेको व्यक्तिलाई पुनः टिकट दिएको भन्दै कार्यकर्ताले पार्टीबाट राजीनामा दिएका हुन्।
गैँडहवा गाउँपालिका सांसद भरत साहको निर्वाचन क्षेत्रमा पर्छ।
भर्खरै
लोकप्रिय
