काठमाडाैँ – ललितपुरको भट्टेडाँडामा एमाले उम्मेदवार चढेको गाडी तोडफोड भएको छ।
युवा संघ नेपाल बागमती-३ का अध्यक्ष सन्तोष खड्काका अनुसार बागमती गाउँपालिका-३ बुलाका वडासदस्य नारायण भोम्जन उम्मेदवारको गाडी तोडफोड भएको हो।
कांग्रेसका कार्यकतार्ताले गाडी तोडफोड गरेको उनले जिकिर गरे।
उनले भने, ‘गाडी भिरालो ठाउँमा नभएकाले तत्काल दुर्घटना हुन पाएन। ब्रेकको तार निकालेको थाहा पाएपछि हामी रातभर गाडीमै बस्यौँ।’
खड्काले गाडी झण्डा पनि निकालेर फ्याँकिएको बताए।
‘साँझ ७बजेर ३० मिनेटमा बुलाकी चौर पुगेका थियौँ। राति १० बजेर ३० मिनेटमा फर्कँदा गाडी तोडफोड गरेको अवस्था रहेको भेट्टियो’, उनले भने।
निर्वाचनको क्रममा भोट माग्नका लागि पार्टीका कार्यकर्ता गणेश जिम्माको घरमा गएको खड्काले जानकारी दिए।
उनले भट्टेडाँडा प्रहरी चौकीलाई राति नै सुरक्षाका लागि खबर गरेको पनि बताए।
कांग्रेस गाउँपालिकाका सभापतिसमेत रहेका पालिकाका अध्यक्षका उम्मेदवार वीरबहादुर लोप्चनले यस विषयमा आफूलाई जानकारी नभएको बताए।
भर्खरै
लोकप्रिय
