काठमाडौँ – ललितपुर महानगरपालिकाको मेयरमा चिरिबाबु महर्जनले दोब्बर भन्दाबढी मतले अग्रता कायम गरेका छन्।
सत्तारूढ गठबन्धनको तर्फबाट उम्मेदवारी दिएका महर्जन निकटतम प्रतिष्पर्धी नेकपा एमालेका हरिकृष्ण व्यञ्जनकार भन्दा ४ हजार २४४ मतले अगाडि छन्।
यसअघि पनि महानगरको मेयर भएर एक कार्यकाल पूरा गरिसकेका महर्जनले कुल १३ हजार ४२० मत गणना हुँदा ७ हजार ४९६ मत प्राप्त गरेका छन् भने व्यञ्जनकारले ३ हजार २५२ मत प्राप्त गरेका छन्।
राप्रपाका उम्मेदवार अष्टबहादुर शाक्य महर्जन र व्यञ्जनकार भन्दा धेरै मतले पछाडि रहेका छन्।
यसैगरी, उपमेयरमा नेकपा एमालेकी मञ्जली शाक्यले ३ हजार ८४८ मत प्राप्त गरेकी छन् भने नेकपा माओवादी केन्द्रका बाबुराज बज्राचार्य २ हजार ३५४ मत प्राप्त गरेका छन्।
ललितपुर महानगरपालिका अन्तर्गतका यी वडामा विजयी उम्मेदवारहरूः
वडा नम्बर-१ निर्मल तण्डुकार (स्वतन्त्र)
मत-६६१
वडा नम्बर-२ राजेश महर्जन (नेकपा समाजवादी)
मत-१८३०
वडा नम्बर-३ श्रीगोपाल महर्जन (नेकपा समाजवादी)
मत-१४९६
वडा नम्बर-५ विकासमान श्रेष्ठ (नेकपा एमाले)
मत-१०७९
भर्खरै
लोकप्रिय
