काठमाडौँ – काठमाडौँ महानगरपालिकाको वडा नम्बर ३० मा नेपाली कांग्रेस विजयी भएको छ।
सो वडामा दलबहादुर कार्कीको प्यानल नै विजय भएको हो।
कार्कीले निकटतम प्रतिद्वन्द्वी नेकपा एमालेका कृष्णभक्त खड्गीलाई एक हजार १४५ मतान्तरले हराएका हुन्।
कार्कीले दुई हजार ६१ तथा खड्गीले ९१६ मत प्राप्त गरे।
त्यसैगरी, सदस्यमासमेत कांग्रेसका मनोजकुमार डङ्गोल र मिलनकुमार खड्का क्षत्री विजयी भएका हुन्।
महिला सदस्य र दलित महिला सदस्यतर्फ पनि कांग्रेसकै क्रमशः इन्दिरा श्रेष्ठ सिंह र शर्मिला सुडी विजयी भएको काठमाडौँका मुख्य निर्वाचन अधिकृत राजुकुमार खतिवडाले जानकारी दिए।
यस्तै, काठमाडौँ महानगरपालिका वडा नम्बर– २८ मा नेपाली कांग्रेसकै भाइराम खड्गी विजयी भएका छन्।
उनले सो वडाको अध्यक्ष पदमा १ हजार २८१ मत लिएर विजयी भएका हुन्।
उनका निकटतम प्रतिद्वन्द्वी नेकपा एमालेका विपेन्द्र खड्कीले १ हजार ७२ मत प्राप्त गरेका छन्।
भर्खरै
लोकप्रिय
