हेटौँडामा बसको ठक्करबाट रिक्सा चालकको मृत्यु

काठमाडौँ – मकवानपुरको हेटौँडा उपमहानगरपालिका–१५ मा गएराती बसको ठक्करबाट रिक्सा चालकको मृत्यु भएको छ। रिक्सामा सवार एकजना गम्भीर घाइते भएका छन्।

रिक्सा चालक बाराको रतनपुर घर भएका अन्दाजी २६ वर्षीय मिलन सुनारको उपचारको क्रममा चुरेहिल अस्पतालमा आज बिहान सवा ३ बजे मृत्यु भएको हो।

घाइते भएका रिक्सामै सवार हेटौँडा उपमहानगरपालिका–१२ का अन्दाजी ३५ वर्षिय सुवास सुनारको हेटौँडा अस्पतालमा उपचार भइरहेको छ।

पुर्व–पश्चिम राजमार्गमा पथलैयातर्फ जादै गरेको प्रदेश२–०३–००१ख ०२४२ नम्बरको बसले सुनार द्धय सवार ना२अ ६४ नम्बरको अटो रिक्सालाई गएराती २ बजे ठक्कर दिएको थियो।

बस चालक फरार रहेकाले खोजी भइरहेको प्रहरीले जनाएको छ।